Yaz allergiyasından necə qorunmalı?
İsti günlərin, yaz fəslinin gəlməsi ilə allergiyanın artması mümkündür. Bu aylarda tumurcuqlar, polenlərə qarşı allergiyası olan şəxslərdə vəziyyətin pisləşməsi müşahidə edillə bilir.
Doktorinfo.az xəbər verir ki, bahar allergiyası bitki poleninə həssas insanlar tərəfindən inkişaf etdirilən bir növ immun reaksiyadır.
Allergiya azyaşlılarda adətən 2 yaşdan sonra başlayır. Allergiya tənəffüs yolları, qaşınma, səpgilər və s kimi əlamətlərlə özünü biruzə verir.
Bəs isti günlərdə allergiyadan necə qorunmalı?
Ən əsas qorunma yolu allergenlərdən uzaq durmaqdır. Əgər allergiya ağır formadadırsa maska taxmaq tövsiyə edilir. Evdə bitkilər saxlamamaqda fayda vardır. Əslində otaqlar tez-tez havalandırılmalıdır, ancaq yazın ilk həftələrində ağac tozlarının pəncərədən daxil olmasını nəzərə alaraq otaq pəncərələri örtülü olmalıdır.
Uşaqların burunları tez-tez dəniz suyu ilə yuyulmalıdır. Burun yolunu daima açıq saxlamaqda fayda vardır.
Peyvəndlər də allergiyadan qorunma yolunda faydalı ola bilər. Allergiya peyvəndləri dəri testində təsbit edilən allergenə qarşı tətbiq edilən desensitizasiya müalicəsidir. Məqsəd, immunitet sistemini mütəmadi olaraq allergenə məruz qoyaraq onu gücləndirməkdir. Müalicə təxminən 5-6 il davam edir və təxminən 70 faizə yaxın daimi müvəffəqiyyət nisbəti əldə edilir. Həmçinin dərman müalicəsi ilə də allergiya nəzarət altına alına bilər.
f Paylaş