Kişidə cinsi istəksizliyin tibbi səbəbləri

Cinsi istəksizlik, bir çox şəxsin fərqli zamanlarda qarşılaşdığı problemdir.
Cinsi istəksizlik şəxsin cinsi münasibətə daxil olma vəziyyətində istəyinin olmaması, azalması halıdır.

Əlamətləri:

Əsas əlaməti cinsi istəyin olmamasıdır. Nəticədə isə cinsi münasibətdə kəskin azalma müşahidə edilir. Digər tərədən depressif duyğuların artması, yorğunluq, halsızlıq kimi əlamətlər də izlənə bilər.

Kişidə cinsi istəksizliyin səbəbləri

Cinsi istəksizlik adətən psixoloji faktorlara bağlı olmaqla yanaşı kişi hormonu olan testesteron əksikliyi nəticəsində yaşana bilər. Bundan əlavə libodonun tənzimlənməsi də təsir edən faktordur.

Antidepressiya dərmanları cinsi istəyi azaldırmı?

Belə dərmanlar uzunmüddətli istifadə edildiyi zaman xüsusilə 6 aydan sonra cinsi istəkdə azalma müşahidə edilə bilər.

B12 əksikliyi cinsi istəksizliyə səbəb olurmu?

B12 vitamini əksikliyinin cinsi istək və cinsi funksiya üzərində təsirli ola biləcəyi zənn edilir. Ancaq bu mövzu ətrafında dəqiq araşdırma yoxdur. Digər tərəfdən B12 vitamini xüsusilə kişinin gəncləşdirilməsi məqsədilə dəstək müalicəsi olaraq istifadə edilməkdədir.

Təzyiq dərmanları cinsi istəksizliyə səbəb olurmu?
Antidepressiya dərmanları kimi bir qism təzyiq dərmanları da bənzər təsir ilə cinsi istəksizlik yarada bilir. Digər tərəfdən təzyiqin varlığı onsuzda cinsi funksiya üçün risk faktorları arasında yer almaqdadır.

Varikosel cinsi istəksizliyə zəmin yaradırmı?

Testin iki təməl funksiyası spermanın istehsalı və testesteron hormonu sintezidir. Xüsusilə, irəli dərəcə varikosel cinsi orqanda kiçilmə və nəticədə testiküler funksiya pozğunluğuna səbəb ola bilər. Beləliklə testesteron sintezini azaldaraq cinsi istəksizliyə səbəb ola bilir.

Prostat və şəkər xəstəliyi cinsi istəksizlik səbəbidir?

Hər iki xəstəlik də yaşayış keyfiyyətini pozur. Xüsusilə, gecə rejiminə təsir göstərəcək prostat ağrısı olan şəxslərdə yaşayış keyfiyyətinin pozulması nəticəsində cinsi istəksizlik yarana bilər.

Şəkər xəstəliyinin cinsi istəksizliklə birbaşa əlaqəsinin olduğuna dair dəqiq məlumatlar yoxdur. Ancaq yaratdığı müəyyən narahatçılıqların bu nəticəyə zəmin yaradacağı zənn edilir.

Cinsi istəksizliyin qidalanma ilə əlaqəsi varmı?

Qidalanma və cinsi istəksizlik mövzusunda hansısa bir əlaqə qurmaq çətindir. Şokolad, kakao yağı tərkibli bir sıra qidalar cinsi hissin yaradılmasında öz təsirini göstərir.

Cinsi istəksizliyin diaqnozu
Cinsi istəksizliyin müəyyənləşməsində dəyərləndirmə gərəklidir. Xüsusilə tibbi keçmiş, cinsi funksiya pozğunluqları, cinsi istəksizliyin səbəbi müəyyən edilir. Buna səbəb olan psixoloji faktorlar araşdırılır. Səbəb ola biləcək xəstəliyin varlığı və ya dərman istifadəsi müəyyən edilir. Bununla yanaşı:

Vücudda tüklənmə miqdarı

Sinədə böyümənin olub-olmaması

Cinsi orqanın ölçüsü müayinə edilir.

Daha sonra lazımi hormonlar dəyərləndirilir.

Testesteronun cinsi münasibətin üzərində təsirləri vücudda fərqli və vacib vəzifələri mövcuddur.

Vücudda bu funsksiyaları yerinə yetirir:

Vücud tüklənməsi

Əzələ və sümük quruluşunun inkişafı

Səs tellərinin inkişafı və kişiyə məxsus səs tonunun yaranması

Saç quruluşunun formalaşması

Cinsi orqanların inkişafının, funksiyalarının tamamlanması

Ürək sağlamlığı

Qan hüceyrələrinin istehsalı

Yaddaş

Əksikliyi zamanı cinsi istəksizliklə bağlı digər problemlər də aşkara çıxır:

Halsızlıq

Tez əsəbləşmə

Depressiya

Yuxusuzluq

Tərləmə

Həddindən çox həyəcanlanma

Müalicə

Əgər səbəbi psixoloji səbəblərdən qaynaqlanırsa müalicəni psixiatr davam etdirir. Əgər orqanlarla bağlı problemdirsə hormonlar və bunu yaradan faktorlar araşdırılaraq düzgün müalicə tərtib edilir. Beləliklə problem aradan qaldırılır.

Şahanə Quliyeva