Fobiyadan necə qurtulmalı?
Fobiya və qorxu bir çox insanın yaşadığı, həmçinin çoxluqla qarşılaşılan mövzusudur. Ancaq bunların fərqi vardır.
Doktorinfo.az xəbər verir ki, qorxu insanları təhlükədən uzaqlaşdırır, fobiya isə insan həyatına maneə olaraq çətinlik yaradır.
Fobiyalarla nece mubarize aparilmalidir?
Ən əsas rol oynayan burada nəfəs məşqləridir.
Fobiyalar adətən uşaqlıq və ya yeniyetməlik dövründə baş verən stresli təcrübə nəticəsində yaranır. Bəzən qorxular irəlilədikcə fobiyaya çevrilə bilir.
Qorxu zərərsiz reaksiya hesab edilir. Mövcud təhlükəyə, baş verən hadisələrə reaksiya qorxu adlanır. Fobiyalar isə təhlükənin həqiqi dərəcəsini nəzərə almadan verilən həddindən artıq reaksiyalardır. Bu insanın həyatını çətinləşdirir. Fobiya insanın bütün diqqətini, hissini çəkən qorxu növüdür.
Fobiyaları bu üsullarla azaltmağa çalışın:
Fobiyanızın nəyə və nə üçün olduğunu anlamağa çalışın - Onunla mübarizə ilk olaraq anlamaqdan keçir.
Müsbət düşünün – Qorxu anında bunun sadəcə sizdə olmadığını düşünün və keçəcəyinə əmin olun.
Nəfəs məşqləri edin – Stress, təlaş anında doğru və düzgün nəfəs məşqi ilə bunun öhdəsindən gələ bilərsiniz.
Özünüz üçün təhlükəsiz ərazilər yaradın – İnsan fobiyasından qaçmalı deyil, üzərinə getməlidir. Ancaq qorxularınızın artdığı vəziyyətdə özünüz üçün təhlükəsiz, rahat hiss etdiyiniz məkanlar seçin və burada olaraq özünüzü yaxşı hiss edə bilərsiniz.
Fobiyalardan xilas olmağın əsas üsullarından biri isə terapevtlə birgə çalışmalısınız. O sizə bu təşvişlərin öhdəsindən gəlməkdə sizə yardım edəcək.
f Paylaş