Hamiləlik niyə düşüklə nəticələnə bilir?
Hamiləliyin ilk aylarında düşüklər görülə bilər. Bu hal, özünü ağrı və qanaxma ilə göstərir.
Bu, hamiləliklərin 10-25 faizində baş verir. Düşüyün qarşısını almaq üçün öncədən həkim müayinəsindən keçmək lazımdır. Hamiləlikdə isə zamanında gərəkli analizlər yoxlanılmalıdır.
Hər belə haldan sonra patologiyanın yenidən təkrarlanması ehtimalı vardır. Birinci düşükdən sonra 15%, ikincidən sonra 30% mümkündür. Özbaşına baş verən düşüklər adətən ilk 12-13 həftəsinə qədər daha çox rastlanılır.
Doktorinfo.az xəbər verir ki, bəzən səbəbini aşkar etmək mümkün olmur. Bu, sadəcə genetika ilə də bağlı ola bilər.
Erkən düşüklərin səbəblərini təqdim edirik:
Genetik anomaliyalar
İmmun sisteminin zeif olması
Uşaqlığın və yumurtalıqların inkişaf anomaliyaları
Endokrin xəstəliklər
Hematoloji pozgunluqlar və s.
Bununla yanaşı ağır fiziki hərəkətlər, stress, cinsi infeksiyalar da düşüyə sebeb ola bilər.
Elə hallar, problemlər ola bilər ki, bu zaman hamiləliyin pozulması baş verə bilər.
Bunlar narahatçılıqlardır?
Uşaqlıqdankənar hamiləlik – Bu zaman embrion usaqligin divarına deyil, borulara, uşaqlıq boyuna və qarın boşluğuna implantasiya olunur. Nəticədə sancılar, qanaxmalar baş verir.
Bundan əlavə əgər yumurta hüceyrədə xromosom pozğunluqları varsa mayalanmadan sonra o uşaqlıq divarına implantasiya edə bilər. Bu zaman döl yumurtası normal inkişaf etmir.
Düşüyün əlamətləri necə olur?
Qarnın aşağı hissəsində sancı formalı ağrılar
Qanlı ifrazat başlayır. Daha sonra isə bu qanaxma ilə əvəz olunur.
Bu halın yenidən təkrarlanmamağı üçün ginekoloq tərəfindən ətraflı müayinə, analizlər edilməli, əsas səbəb aşkar edilərək müalicə olunmalıdır.
f Paylaş