Ayaq ağrıları nədən qaynaqlanır?

Gündəlik həyatda ən böyük köməkçimiz olan ayaqlarımız qarmaşıq və böyük bir əzələ, sümük, tendon torundan ibarətdir. Bütün vücudu daşıyacaq qədər güclü olan ayaqlarımız bir o qədər də həssas və qırılqan quruluşa malikdirlər. Əzələ skelet sistemi üzərində görülən ən çox ağrı ayaqlarda yaranan ağrıdır.

Ayaq agrilarinin sebebleri neler ola biler?

Doktorinfo.az xəbər verir ki, ayaqda bir çox sümük, əzələ, sinir, yumşaq toxumalar və s mövcuddur. Bunlardan hansısa birində xəstəlik və ya zədələnmə baş verərsə ayaq ağrısının yaranmasına səbəb olur. Eyni zamanda gün ərzində ayaq üzərində çox durmaq, narahat ayaqqabı geyinmək kimi faktorlar da bu ağrıya yol aça bilər.

Sümük çıxıntıları, sümük qırığı, mazol, diabetik neyropati, düz daban sindromu, batıq ayaq dırnağı və s ən geniş yayılmış ayaq problemlərindən hesab edilir.
Ayaq ağrısının müalicəsi:

Gündəlik həyatda çox ciddi zədələnməyən ayaq ağrıları adətən evdə müalicə edilə bilər. Ancaq tətbiq edilən müalicə üsullarına baxmayaraq şikayətlər azalmayıbsa bu zaman mütəxəssisə müraciət etmək lazımdır. Ayağın hansisa bir nahiyesinde ağrının hiss edildiyi zaman buz tətbiq edərək ağrını qismən azalda, şişliyin qarşısını ala bilərsiniz. Ağrının şiddətinə və səbəbindən asılı olaraq ağrıkəsici və əzələ genişləndirici dərmanlar da istifadə edə bilərsiniz.

Əgər ayaqda bir qırığın və ya toxuma zədələnməsinin sebeb oldugu ağrı mövcuddursa və tam ağırlıq verilə bilmirsə dəstəyə ehtiyac vardır. Bu vəziyyətdə ayağı əlavə gücə salmağa ehtiyac yoxdur. Eyni zamanda ayağı bağlamaq və yüksəkdə tutmaq təsirli olacaq. Ayaqda meydana gələn həddindən çox şişmələrdə ağrılar şiddətlənə biləcəyi üçün mütləq buz kompresi tətbiq edilməlidir.

Duzlu və sodalı suda ayaq vannası etməklə də ağrıları azalda bilərsiniz. Bu həmçinin şişliklərin azalmasına kömək edəcək.

Usaqlarda ayaq agrisinin sebebleri

Uşaqlarda və yeniyetməlik zamanında idmanla məşğul olanlarda çox görülür. Bu yaralanmalarin 3-də biri ayaqlarda və bunların da çoxu diz nahiyəsində görülür. Uşaqlarda yaxşı planlaşdırılmamış və düzgün tətbiq edilməmiş hərəkətlər bu ağrılara yol açar. Uşaqlarda sümük, əzələ-tendon uzanmağı arasındakı uyğunsuzluq və ya uşaqların ağır idman hərəkətlər etməsi bu ağrılara yol aça bilər. Ancaq hər uşaqda görülməyə bilər.

Burxulmalar, gərgin məktəb həyatı, edilən idman məşqləri də ayaq ağrılarına səbəb ola bilər.

Ayaq ağrılarının əsas səbəblərindən biri də məhz D vitamini əksikliyi ola bilər. Əgər oynaqlarda ağrılar mütəmadi olaraq davam edirsə bunun səbəbi vitamin əksikliyi ola bilər. Bu səbəbdən qanda D vitamini göstəricisini öyrənin.

Ağrıların qaynağı fərqli ola bilər. Ön ayaq, orta və arxa ayaqdan meydana gələ bilər. Bu səbəbdən ağrının şiddətinə və zamanına diqqət yetirmək lazımdır. Əgər şiddətli ağrı keçmirsə travmatoloq-ortopedə müraciət etmək ən düzgün qərar olacaq.