Dil xərçəngi nədir?

Dil xərçəngi, əksər zaman dil səthini örtən hüceyrələrdən başlayan xərçəng növüdür. Dil xərçəngi, həm dilin görünən qismini həm də boğaza doğru uzanan qisminə təsir edən xərçəngləri ifadə edən ümumi termindir.

Dil xərçəngi haqqında ətraflı məlumatı məqaləni sonadək oxuyaraq əldə edə bilərsiniz.

Dil xərçəngi ən çox skuamöz və ya səthi hüceyrələrində dildə bir yara və ya kütlə olaraq görülə bilər. Bütün ağız boşluğu xərçənglərinin təxminən 100-də 3-nü dil xərçəngi təşkil edir. 40 yaş altında daha az görülür. Kişilərdə daha çox müşahidə edilir. Erkən diaqnoz uğurlu müalicə üçün əhəmiyyət kəsb edir.

Dil xərçəngi nədir?

Doktorinfo.az xəbər verir ki, həyati təhlükə kəsb edən ağız boşluğu xərçəng növüdür. Dil, ağız boşluğu xərçəngində dodaqdan sonra ən çox görülən nahiyədir.

Dil xercenginin elametleri nelerdir?
Dil xərçənginin əlamətləri digər ağız xərçəng növlərinə bənzəyir. İnkişaf mərhələsinə bağlı olaraq, dil xərçənginin ən geniş yayılan bəzi simptomları ağız boşluğunda sağalmayan yaradır. Ağız xərçəngi və ya dil xərçənginin bəzi simptomları başqa tibbi vəziyyətlərə də aid edilə bilər. Bu əlamətlər iki həftədən uzun çəkərsə kliniki müayinə gərəklidir.
Dil xərçənginin simptomları adətən ağrısızdır. Spesifik olmayan və adətən ağrısız simptomlardan ötrü, dil xərçəngi və digər ağız xərçəngi növləri adətən erkən mərhələdə təsbit edilmir.

Ümumi əlamətləri bunlardır:

Dilin yan sethlerinde çəhrayı bit kütlə və ya yara

Dil ağrısı

Boğaz ağrısı

Udqunma çətinliyi

Çeynəmə çətinliyi

Dili hereket etdirməkdə çətinlik

Dil kökündə inkişaf edən xərçəng adətən irəli mərhələdəykən, tümör daha böyük olduğunda və xərçəng boyundakı limfa düyünlərinə yayıldığında diaqnoz qoyulur.

Dil kökündə meydana gələn xərçəngin səbəb olduğu bəzi əlamətlər bu formadadır:
Boğaz ağrısı

Udqunma cetinliyi

Boğazda şişkinlik hissi

Səsdəki dəyişiklik

Qulaq ağrısı

Bu simptomlardan hansısa birindən şikayət edən şəxslərin, bir qulaq-burun-boğaz mütəxəssisi tərəfindən dəyərləndirilməsi vacibdir. Əksər xərçəng növündə olduğu kimi erkən diaqnoz dil xərçəngi müalicəsinin uğuru üçün çox vacibdir.

Dil xərçəngi üçün risk faktorları nələrdir?

Dil xərçənginin inkişafı üçün ən vacib iki risk faktoru tütün istifadəsi və spirtli içki istifadəsidir. Kişilərin dil xərçənginə tutulmaq ehtimalı qadınlarda daha çoxdur. Gənc insanlarda dil xərçəngi nadirən görülür. 40 yaş üstlərdə ehtimal yüksəlir.

Bu xəstəlik üçün risk faktorları hansılardır?

Siqaretdən istifadə və ya digər tütün növlərindən istifadə etmək

Spirtli içki istifadəsi
HPV 16 və 18, İnsan papilloma virusu

Yanlis qidalanmayla bağlı faktorlar

Genetik yatqınlıq

Ağız gigiyenasının olmaması

Bu səbəbdən erkən diaqnoz qoyulub müalicəyə başlamaq vacib rol oynayır.

Dil xercenginin diaqnozu nece qoyulur?

Biopsiya, dil xərçənginin diaqnozunda ilk addımdır. Biopsiya əsnasında dilin xərçəngdən şübhələnilən qismindən az miqdarda toxuma alınır.Toxuma mikroskop altında araşdırılır. Bundan əlavə də analizlər tələb oluna bilər.

Xercengin merheleleri asagıidaki faktorlarla baglidir:

Xərçəngin toxumalarda nə qədər böyüdüyü

Ətraf nahiyələrə yayılıb-yayılmadığı

Vücudun başqa bir yerinə yayılıb-yayılmadığı

Müalicəsi xərçəngin başlama müddəti, irəliləmə vəziyyətindən asılı olaraq təyin edilir.

Müalicə üçün radioterapiya, kimyaterapiya, cərrahi müdaxilə ola bilər.

Şahanə Quliyeva