Hamiləlik testi müsbətdir, amma döl yoxdur... - Boş hamiləlik nədir?

Boş hamiləlik, mayalanan yumurta rəhm içinə yerləşir, ancaq embriona çevrilmədiyi zaman baş verən düşmədir. Embrion olmasa da vücud hamiləlik hormonu koryonik gonadotropin istehsal etməyə davam edər. Bu müddətdə mədə bulantısı, süd vezilerinde şişkinlik, həssaslıq kimi əlamətlərlə görülən boş hamilelik, yüngül sancı və ya pelvik ağrı və vaginada yüngül ləkələnmə və ya qanaxma yarana bilər.

USM vasitəsilə baxıldığı zaman embrion görülməyən, hamiləlik kisəsi adı verilən, içi maye dolu boş bir nahiyə görünür. Anembrionik hamiləlik adətən düşüklə nəticələnir. Bəzi qadınlar bunu təbii yoldan gözləsə də, bəziləri isə dərman vasitəsinə müraciət edə bilirlər.

Bununla yanaşı belə zamanlarda da hamiləlik testi müsbət çıxa bilər. Boş hamileliyin əlamətlərini təqdim edirik:

Qusma

Mədə bulantısı

Döş qəfəsində ağrı

Vücudda yaranan şişkinlik

Yorğunluq və halsızlıq və s.

Boş hamiləliyin səbəbləri nələrdir?

Adətən hüceyrə bölünməsi sırasındakı xromosom və ya genetik problemlərdən qaynaqlı olaraq ortaya çıxa bilər. Hamiləlik əsnasında yumurta, sperma tərəfindən dölləndikdən qısa bir müddət sonra bölünməyə başlayır. On gün sonra hüceyrələr bir embriona çevrilir. Sağlam olmayan bir yumurtada embriona çevrilmə baş verməz və ya yarandıqdan sonra böyüməsi olmaya bilər. Bu zaman isə hamiləlik testi müsbət çıxar. Bu vəziyyətin səbəbi isə hamiləlik hormonu olaraq bilinən Beta-HCG-nun vücudda mövcud olmasından, istehsalındandır. Buna genetik problemler də səbəb ola bilər. Bir çox qadında düşük görüldükdən sonra normal hamiləlik müşahidə edilə bilər.
Bəs bunun diaqnozu necə qoyulur?

Ən dəqiq vasitə USM muayinesidir. Bununla yanaşı bu növ problem zamanı hamiləlik testinin qan vasitəsilə öyrənilməsi zamanı göstərici say olduğu kimi qalır və artım müşahidə edilmir.

Müalicəsi necə aparılır?
Bu müddətdə adətən xüsusi müalicəyə ehtiyac duyulmaz. Vücud embrionu düşük edilməzsə uşaqlıqdan çıxarmaq üçün başqa müalicə seçimlərini təyin etmək lazım ola bilər. Buna dərman, abort kimi seçimler daxildir. Abort isə sedasiya və ya ümumi anesteziya yolu altında edilir.

Təbii düşük – Vücudun hamiləlik toxumalarını sərbəst buraxıb-buraxmadığını görmək üçün nəzarətdə saxlanılır. Bu vəziyyətin başlanması günlər, hətta həftələr ala bilər. Düşük prosesi başlayan zaman sancılar, qarın ağrısı və qanaxma görülür.

Bunun dərmanla edilməsi – Vücudun düşük etməsi üçün dərmanlar qəbul edilə bilir. Dərman prosesi sürətləndirir. Dərman qəbulundan təxminən 30 dəqiqə ilə 10 saat ərzində sancı, qarın ağrısı və qanaxma başlayır.

Şahanə Quliyeva